Elimizge ósimdiktektes ónimderdi tasymaldaǵan 50 zańsyz árekettiń joly kesildi, dep habarlaidy "Ult aqparat" QR AShM baspasóz qyzmetine silteme jasap.
«1-11 qańtar aralyǵynda Batys Qazaqstan, Aqtóbe, Túrkistan oblystyq aýmaqtyq inspektsiialarynyń ósimdikter karantini jónindegi memlekettik inspektorlary Resei Federatsiiasynan jáne Ózbekstan Respýblikasynan karantindik fitosanitariialyq qaýpi joǵary, karantinge jatqyzylǵan ónimderdi 50 zańsyz jaǵdaida ákelgen áreketti anyqtady», - delingen habarlamada.
Sondai-aq, karantindik fitosanitariialyq baqylaý júrgizý kezinde Resei Federatsiiasynan 2 500 dana kókónis daqyldarynyń tuqymdary (qorapta), 20 tonna limon men mandarin jáne Ózbekstannan 82 tonna qurma, 20 tonna pisteniń fitosanitariialyq sertifikatsyz tasymaldanǵany belgili boldy.
«Ósimdikter karantini salasyndaǵy zańnamalardyń talaptaryna sáikes atalǵan ónimder Qazaqstanǵa tasymaldaýǵa tyiym salynǵan. Júkter Resei Federatsiiasyna jáne Ózbekstanǵa keri qaitarylyp, kináli tulǵalar ákimshilik jaýapkershilikke tartyldy», - delingen habarlamada.
