Karantinge jatqyzylǵan qazaqstandyq tennisshi Iaroslava Shvedova koronavirýs juqtyrmaǵanyn málimdedi, dep habarlaidy QazAqparat tilshisi.
Sportshy Nur-Sultan qalasyndaǵy aýrýhanalardyń birinde karantinde jatyr.
Ia.Shvedova koronavirýs anyqtalǵan áielmen birge ushaqpen ushyp kelgen bolatyn.
«Koronavirýsqa alynǵan test teris nátije kórsetti. Biraq aýrý juqtyrǵan adamǵa jaqyn otyrǵandyqtan, eki apta boiy karantinde bolýym kerek», - dep jazdy tennisshi Instagram-daǵy paraqshasynda.
Eske sala keteiik, budan buryn koronavirýsqa bailanysty Argentina-Qazaqstan matchynyń keiinge shegerilgenin jazǵan bolatynbyz.
Egiz sábili bolýyna bailanysty sporttyq jolynda úzilis bolǵan Ia.Shvedova kortqa biyl oralǵan bolatyn. Ol oiynshy bolýmen qatar, Qazaqstan áielder quramasynda kapitandyq tizgindi de qolǵa alǵan edi.
Búgin jańartylǵan WTA reitingisinde aitarlyqtai ózgeris joq.
Alǵashqy úshtikte burynǵysha aýstraliialyq Eshli Barti, rýmyniialyq Simona Halep jáne chehiialyq Karolina Plishkova keledi.
Qazaqstandyqtar Elena Rybakina men Iýliia Pýtintseva sáikesinshe 17-inshi jáne 33-oryn saqtap qalsa, Zarina Diias 63-ten 64-ke syrǵydy.
Juptyq synda Galina Voskoboeva 62-ornynda qalsa, Anna Danilina 120-dan 123-ke tómendedi.
