كارانتينگە جاتقىزىلعان قازاقستاندىق تەننيسشٸ ياروسلاۆا شۆەدوۆا كوروناۆيرۋس جۇقتىرماعانىن مەلٸمدەدٸ, دەپ حابارلايدى قازاقپارات تٸلشٸسٸ.
سپورتشى نۇر-سۇلتان قالاسىنداعى اۋرۋحانالاردىڭ بٸرٸندە كارانتيندە جاتىر.
يا.شۆەدوۆا كوروناۆيرۋس انىقتالعان ەيەلمەن بٸرگە ۇشاقپەن ۇشىپ كەلگەن بولاتىن.
«كوروناۆيرۋسقا الىنعان تەست تەرٸس نەتيجە كٶرسەتتٸ. بٸراق اۋرۋ جۇقتىرعان ادامعا جاقىن وتىرعاندىقتان, ەكٸ اپتا بويى كارانتيندە بولۋىم كەرەك», - دەپ جازدى تەننيسشٸ Instagram-داعى پاراقشاسىندا.
ەسكە سالا كەتەيٸك, بۇدان بۇرىن كوروناۆيرۋسقا بايلانىستى ارگەنتينا-قازاقستان ماتچىنىڭ كەيٸنگە شەگەرٸلگەنٸن جازعان بولاتىنبىز.
ەگٸز سەبيلٸ بولۋىنا بايلانىستى سپورتتىق جولىندا ٷزٸلٸس بولعان يا.شۆەدوۆا كورتقا بيىل ورالعان بولاتىن. ول ويىنشى بولۋمەن قاتار, قازاقستان ەيەلدەر قۇراماسىندا كاپيتاندىق تٸزگٸندٸ دە قولعا العان ەدٸ.
بٷگٸن جاڭارتىلعان WTA رەيتينگٸسٸندە ايتارلىقتاي ٶزگەرٸس جوق.
العاشقى ٷشتٸكتە بۇرىنعىشا اۋسترالييالىق ەشلي بارتي, رۋمىنييالىق سيمونا حالەپ جەنە چەحييالىق كارولينا پليشكوۆا كەلەدٸ.
قازاقستاندىقتار ەلەنا رىباكينا مەن يۋلييا پۋتينتسەۆا سەيكەسٸنشە 17-ٸنشٸ جەنە 33-ورىن ساقتاپ قالسا, زارينا ديياس 63-تەن 64-كە سىرعىدى.
جۇپتىق سىندا گالينا ۆوسكوبوەۆا 62-ورنىندا قالسا, اننا دانيلينا 120-دان 123-كە تٶمەندەدٸ.
