Rotterdam meri 25 qańtarda Niderlandynyń birneshe qalasynda bolǵan tártipsizdikterden keiin áleýmettik jeli arqyly halyqqa úndeý jasady, dep habarlaidy "Ult aqparat".
Rotterdam basshysy Ahmet Ábýtalip Twitter-degi paraqshasynda qalanyń kommýnaldyq qyzmetteri megapolistiń búlingen nysandaryn qaita qalpyna keltirýge májbúr ekenin jazdy.
Eske sala keteiik, Niderlandyda dúisenbi kúni keshke tártipsizdikter oryn alǵan bolatyn. Júzdegen adam Amsterdamdaǵy koronavirýsqa bailanysty shekteý sharalaryna narazylyq bildirdi. Sherýshiler terezelerdi syndyryp, avtobýs aialdamalaryn qiratyp, dúkenderdi tonaǵan. Nátijesinde Gollandiia politsiiasy 150-den astam adamdy ustady, olardyń eń kishisi 14 jasta.
«Qalańyzda tártipsizdik uiymdastyrǵan jaqsy ma? Kásipkerlerge shyǵyn keltirgen durys pa? Urlanǵan zattarǵa toly sómkeniń janynda oianý sizderge unai ma?» – dep surady A.Ábýtalip búlikshilerden.
Rotterdam meri qaýipsizdik maqsatynda ata-analardan balalar men jasóspirimderdi baqylaýdy suraidy.
«Bul tártipsizdikterdiń narazylyqtarǵa nemese bostandyq úshin kúreske eshqandai qatysy joq. Biz virýsty birge jeńýimiz kerek, óitkeni bul – ózimizge bostandyqty qaitarýdyń jalǵyz joly. Biz birneshe buzaqyǵa bola alǵan betimizden qaitpaimyz», - dedi Niderlandynyń «CDA» partiiasynyń jetekshisi Vopke Hýkstra.
