روتتەردام مەرٸ 25 قاڭتاردا نيدەرلاندىنىڭ بٸرنەشە قالاسىندا بولعان تەرتٸپسٸزدٸكتەردەن كەيٸن ەلەۋمەتتٸك جەلٸ ارقىلى حالىققا ٷندەۋ جاسادى, دەپ حابارلايدى "ۇلت اقپارات".
روتتەردام باسشىسى احمەت ەبۋتاليپ Twitter-دەگٸ پاراقشاسىندا قالانىڭ كوممۋنالدىق قىزمەتتەرٸ مەگاپوليستٸڭ بٷلٸنگەن نىساندارىن قايتا قالپىنا كەلتٸرۋگە مەجبٷر ەكەنٸن جازدى.
ەسكە سالا كەتەيٸك, نيدەرلاندىدا دٷيسەنبٸ كٷنٸ كەشكە تەرتٸپسٸزدٸكتەر ورىن العان بولاتىن. جٷزدەگەن ادام امستەردامداعى كوروناۆيرۋسقا بايلانىستى شەكتەۋ شارالارىنا نارازىلىق بٸلدٸردٸ. شەرۋشٸلەر تەرەزەلەردٸ سىندىرىپ, اۆتوبۋس ايالدامالارىن قيراتىپ, دٷكەندەردٸ توناعان. نەتيجەسٸندە گوللاندييا پوليتسيياسى 150-دەن استام ادامدى ۇستادى, ولاردىڭ ەڭ كٸشٸسٸ 14 جاستا.
«قالاڭىزدا تەرتٸپسٸزدٸك ۇيىمداستىرعان جاقسى ما? كەسٸپكەرلەرگە شىعىن كەلتٸرگەن دۇرىس پا? ۇرلانعان زاتتارعا تولى سٶمكەنٸڭ جانىندا ويانۋ سٸزدەرگە ۇناي ما?» – دەپ سۇرادى ا.ەبۋتاليپ بٷلٸكشٸلەردەن.
روتتەردام مەرٸ قاۋٸپسٸزدٸك ماقساتىندا اتا-انالاردان بالالار مەن جاسٶسپٸرٸمدەردٸ باقىلاۋدى سۇرايدى.
«بۇل تەرتٸپسٸزدٸكتەردٸڭ نارازىلىقتارعا نەمەسە بوستاندىق ٷشٸن كٷرەسكە ەشقانداي قاتىسى جوق. بٸز ۆيرۋستى بٸرگە جەڭۋٸمٸز كەرەك, ٶيتكەنٸ بۇل – ٶزٸمٸزگە بوستاندىقتى قايتارۋدىڭ جالعىز جولى. بٸز بٸرنەشە بۇزاقىعا بولا العان بەتٸمٸزدەن قايتپايمىز», - دەدٸ نيدەرلاندىنىڭ «CDA» پارتيياسىنىڭ جەتەكشٸسٸ ۆوپكە حۋكسترا.
