Almaty oblysynyń ákimi Amandyq Batalov Almaty qalasynyń ákimi Baqytjan Saǵyntaevpen megapolisten shyǵatyn jerlerdegi blokposttardaǵy aǵymdaǵy jaǵdai týraly selektorlyq jiyn ótkizdi, dep habarlaidy "Ult aqparat".
«Keshe keshkilik biz jergilikti jerlerdegi jaǵdailarmen tanystyq. Oblys aýmaǵynda qalanyń shekarasynan bes shaqyrymdyq radiýstaǵy respýblikalyq mańyzy bar barlyq joldarda jáne eldi mekenderden shyǵatyn joldarda qosymsha 82 blokpost qoiyldy. Politsiia qyzmetkerleri qoǵamdyq tártiptiń saqtalýyn qamtamasyz etýde. Aýdandyq jáne aýyldyq ákimdikterdiń qyzmetkerleri kezekshilikke qoiylyp, halyqqa túsindirý jumystaryn júrgizýde», - dep atap ótti A. Batalov.
Turǵyndar bul qoǵamnyń qaýipsizdigin saqtaýǵa baǵyttalǵan májbúrli sharalar ekenin túsinedi. Karantin virýstyń taralý jalǵastyǵyn úzip, aldyn alýǵa múmkindik beredi.
