Eńbek jáne halyqty áleýmettik qorǵaý ministrligi koronavirýsqa bailanysty karantinde otyratyn adamdarǵa eńbekaqy tóleý tártibin túsindirdi, dep habarlaidy Sputnik Qazaqstan.
Bas memlekettik eńbek inspektory Erbol Nurǵalievtiń aitýynsha, aýrýhanaǵa nemese úige karantinge jatqyzylǵan adamdarǵa eńbekke ýaqytsha jaramsyzdyq paraǵy beriledi. Sol boiynsha járdemaqy tólenedi. Qashyqtan jumystan isteitin muǵalimderdiń jalaqysy da saqtalady.
"Endigi másele – óndiristi ýaqytsha toqatý kezinde jumysshylardyń eńbekaqysyn tóleý. Osy jyldyń 13 naýryzynan bastap kinoteatrlar men balalardyń oiyn alańdary jabyldy. Osyǵan bailanysty keibir kásipkerler óz jumysyn toqtýǵa májbúr bolyp otyr", - dedi Nurǵaliev astanada ótken baspasóz máslihatynda.
Eńbek kodeksiniń 112-babyna sáikes, jumys berýshi men jumyskerge bailanysty emes sebepter bolsa, jalaqynyń eń tómengi mólsherinen kem bolmaityn aqy tólenedi.
"Eger eńbek sharttarynda nemese ujymdyq sharttarda bul másele qarastyrylǵan bolsa, odan da joǵary aqy tóleýge múmkindik bar", - dep túsindirdi ol.
