Oiyn-saýyq ortalyǵyna karantin kezinde kedergisiz jumys isteýge ruqsat bergen Jambyl oblysy Taraz qalasy ákimdiginiń laýazymdy tulǵalaryna sot úkimi shyqty, dep habarlaidy "Ult aqparat".
Málim etilgendei, Taraz qalasy ákimdiginiń laýazymdy tulǵalary kásipkerge karantin kezinde kedergisiz jumys isteýge ruqsat berip, karantin rejimin buzǵany úshin ákimshilik jaýapkershilikke tartpaýǵa ýáde etken. Sol qyzmeti úshin aqsha alǵan.
4 tamyz kúni Taraz qalasynyń № 2 soty iske qatysy bar tulǵalarǵa úkim shyǵardy:
- Taraz qalasy ákimi apparatynyń bas mamany J. K. Izbasarov (QK-niń 190-baby 3-tarmaǵy 2-tarmaǵy) memlekettik qyzmette laýazymdardy atqarý quqyǵynan ómir boiyna aiyrylyp, 2 mln teńge somasynda aiyppul tóleidi;
- Taraz qalasy ákimi apparatynyń bas mamany A. A. Súiinbekov (QK-niń 190-baby 3-tarmaǵy 2-tarmaǵy) memlekettik qyzmette qyzmet atqarý quqyǵynan ómir boiyna aiyrylyp, 1,5 mln teńge aiyppul tóleidi;
- «KIDS Park» balalar oiyn-saýyq ortalyǵynyń ákimshisi B.M. Shildebaev (QK-niń 367-baby 2-bóligi) memlekettik qyzmette qyzmet atqarý quqyǵynan ómir boiyna aiyrylyp, 6 mln teńge aiyppul tóleidi.
«Izbasarov pen Súiinbekov aldaý jáne senimge qiianat jasaý jolymen, aldyn ala sóz bailasý arqyly bir top adamnyń aqshasyn iemdenip, karantin kezinde keshenniń kedergisiz jumys istegeni jáne karantin rejimin buzý faktisi boiynsha ákimshilik jaýapkershilikke tartý jóninde sharalar qoldanbaǵany úshin «KIDS Park» oiyn-saýyq ortalyǵynyń ákimshisi B.M. Shildebaevadan jalpy somasy 200 myń teńge bolatyn qarjy aldy dep kúdiktendi.
Shildebaeva Taraz qalasy ákimdiginiń atalǵan laýazymdy tulǵalaryna jalpy somasy 200 myń teńge para berdi degen kúdikke ilingen edi», - delingen taratylǵan resmi habarlamada.
