Karantin jáne tótenshe jaǵdai rejimin alyp tastaityn kezde álemdegi jalpy ahýal eskerile me? Bul týraly QR Densaýlyq saqtaý ministri Eljan Birtanov Zakon.kz jelilik basylymynyń Instagram paraqshasyndaǵy tikelei efirinde aitty, dep habarlaidy QazAqpara.
«Memlekettik karantin – bul eldiń jabylýy, sheteldikter úshin elge kirýge jáne qazaqstandyqtarǵa shekaradan shyǵýǵa tyiym salý. Bul elimizdiń qaýipsizdigin saqtaýǵa negizdelgen shara. Sheshim álemdegi jaǵdai qalai bolatynyna bailanysty qabyldanady. Sáýir ortasynda ózge elderden infektsiia juqtyrǵandar kóptep kelý qaýpi saqtalyp qalatyn bolsa, karantin ýaqytyn uzartý týraly sheshim qabyldanýy múmkin. Ol kezde barlyq elde koronavirýspen aýyryp qalý táýekeli teńesedi dep oilaimyn. Ol kezde bir-birimizden saqtanýdyń mańyzy bolmaidy dep oilaimyn, sebebi integratsiia, ekonomika mańyzdy. Karantin rejimi birtindep alynady», - deidi Eljan Birtanov.
Ol infektsiia adamnan adamǵa juǵatynyn aitty.
«Karantin kezinde úide otyrý óte mańyzdy. Adamdarmen neǵurlym kóp bailanysta bolsańyz, aýrý juqtyrý qaýpi soǵurlym kóp bolady. Adamdarmen bailanysta bolǵanda eki metr qashyqtyqty saqtańyzdar. Gigiena saqtap, qol jýyńyzdar», - deidi ol.
