Elordada karantin rejimin buzǵany úshin 30 avtokólik arnaiy aiyppul turaǵyna qoiyldy. Bul týraly Nur-Sultan qalasy Politsiia departamentiniń basshysy Erjan Sádenov málim etti, dep habarlaidy QazAqparat.
«30 naýryzdan bastap tótenshe jaǵdai rejimi kúsheitildi. Nur-Sultan qalasy Politsiia departamenti infektsiia taralýynyń aldyn alý úshin barlyq qajetti sharalardy qabyldady. Patrýldik politsiia jasaqtary kóbeitildi. Azamattardyń jáne avtokólikterdiń qozǵalysy qalanyń barlyq aýdanynda qatań baqylaýǵa alyndy. Politsiia qyzmetkerleri qalada táýlik boiy qyzmet atqarýda», - dedi E. Sádenov «Habar 24» telearnasynda ótken onlain brifingide.
Onyń sózine qaraǵanda, qalada 26 mobildik beket qoiylyp, olar avtokólik qozǵalysy boiynsha jumys isteýde.
«Tek keshegi kúni 1 500-ge jýyq júrgizýshi jáne 200-den astam jaiaý júrginshimen profilaktikalyq túsindirý jumystary júrgizildi. 30 avtokólik arnaiy aiyppul turaǵyna qoiyldy», - dedi departament basshysy.
Aita keteiik, 28 naýryzdan bastap elordada azyq-túlik alýǵa, meditsinalyq qyzmettiń kómegine júginýge nemese dári-dármek satyp alýǵa, sondai-aq jumysqa barýǵa shyqqan adamdarǵa kóshege shyǵýǵa ruqsat etilgen. Kámelet jasyna tolmaǵandarǵa eresekterdiń qaraýynsyz qala ishinde júrýge bolmaidy.
