Almatyda 50-den astam júrgizýshi qalada maqsatsyz júrgeni úshin jaýapqa tartyldy, dep habarlaidy "Ult aqparat".
Almaty qalalyq PD málimetinshe, tótenshe jaǵdaidyń jáne sanitarlyq-epidemiologiialyq normalardyń saqtalýy úshin qalanyń ishinde 41 tekserý beketi uiymdastyrylǵan.
«Nátijesinde, qalada júrýge ruqsaty joq 7485 kólik tirkeldi. Qalada zańsyz júrip-turǵany úshin 211 júrgizýshi ustaldy, onyń 51-i ákimshilik jaýapkershilikke tartyldy, 160 júrgizýshige qatań eskertý jasaldy»,– dep habarlaidy qalalyq PD baspasóz qyzmeti.
Desekte, qazir qala kóshelerinde kólik qozǵalysy tómendegen.
«Jol qaýipsizdigin qamtamasyz etýdiń avtomattandyrylǵan aqparattyq júiesi» apparattyq-baǵdarlamalyq kesheniniń kómegimen júrgizilgen taldaý boiynsha qalanyń negizgi kósheleri boiymen kólikterdiń qozǵalysy tómendegenin kórsetti. Sonymen, saǵat 08.00-den 09.00-ge deiin AShAJ, Raiymbek – Sain, Seifýllin – Jansúgirov, Tóle bi – Rozybakiev barlyq baǵyttarda 4 398 kólik tirkeldi. 11 naýryzda atalǵan ýchaskelerdegi kólik sany 19 546 birlikti quraǵan bolatyn», – dep habarlaidy PD baspasóz qyzmeti.
