Qazaqstannyń memlekettik bas sanitarlyq dárigeri Aijan Esmaǵambetova Nur-Sultan men Almaty qalalarynda engizilgen karantin sharalarynyń tiimdiligi týraly aityp berdi, dep habarlaidy QazAqparat.
«Nur-Sultan men Almaty qalalarynda engizilgen karantin sharalary nátijeliligin kórsetip otyr. Nur-Sultanda máselen 28 naýryzdan bastap juqtyrǵandardyń sany azaiyp keledi. Sol tustan 5 sáýirge deiin juqtyrý deńgeii 60 jaǵdaidan 0-ge deiin azaidy», - dedi Aijan Esmaǵambetova OKQ-da ótken baspasóz máslihatynda.
Memlekettik bas sanitarlyq dárigerdiń aitýynsha Almatyda da koronavirýs juqtyrǵandardyń sany kúnine 15-ten 6-ǵa deiin azaiǵan.
«Respýblika boiynsha juqtyrý ósimi 10-11 paiyzdan aspaidy. Alaida Qyzylorda, Qaraǵandy, Túrkistan, Atyraý oblystarynda koronavirýsty juqtyrýdyń ósimi baiqalady. Iaǵni ol óńirlerde qosymsha shekteý sharalaryn engizý kerek», - deidi ol.
