قازاقستاننىڭ مەملەكەتتٸك باس سانيتارلىق دەرٸگەرٸ ايجان ەسماعامبەتوۆا نۇر-سۇلتان مەن الماتى قالالارىندا ەنگٸزٸلگەن كارانتين شارالارىنىڭ تيٸمدٸلٸگٸ تۋرالى ايتىپ بەردٸ, دەپ حابارلايدى قازاقپارات.
«نۇر-سۇلتان مەن الماتى قالالارىندا ەنگٸزٸلگەن كارانتين شارالارى نەتيجەلٸلٸگٸن كٶرسەتٸپ وتىر. نۇر-سۇلتاندا مەسەلەن 28 ناۋرىزدان باستاپ جۇقتىرعانداردىڭ سانى ازايىپ كەلەدٸ. سول تۇستان 5 سەۋٸرگە دەيٸن جۇقتىرۋ دەڭگەيٸ 60 جاعدايدان 0-گە دەيٸن ازايدى», - دەدٸ ايجان ەسماعامبەتوۆا وكق-دا ٶتكەن باسپاسٶز مەسليحاتىندا.
مەملەكەتتٸك باس سانيتارلىق دەرٸگەردٸڭ ايتۋىنشا الماتىدا دا كوروناۆيرۋس جۇقتىرعانداردىڭ سانى كٷنٸنە 15-تەن 6-عا دەيٸن ازايعان.
«رەسپۋبليكا بويىنشا جۇقتىرۋ ٶسٸمٸ 10-11 پايىزدان اسپايدى. الايدا قىزىلوردا, قاراعاندى, تٷركٸستان, اتىراۋ وبلىستارىندا كوروناۆيرۋستى جۇقتىرۋدىڭ ٶسٸمٸ بايقالادى. ياعني ول ٶڭٸرلەردە قوسىمشا شەكتەۋ شارالارىن ەنگٸزۋ كەرەك», - دەيدٸ ول.
