Aqmola oblysynda karantin ýaqytynda monshada demalys jasaǵan jemqorlyqqa qarsy kúres departamentiniń qyzmetkerlerine qatysty qyzmettik tergeý bastaldy, dep habarlaidy "Ult aqparat".
«Atalmysh fakt boiynsha Sybailas jemqorlyqqa qarsy is-qimyl departamentiniń qyzmetkerlerine qatysty qyzmettik tergeý bastaldy. Onyń qorytyndysy boiynsha tiisti shara qabyldanady», - dedi QR Sybailas jemqorlyqqa qarsy is-qimyl agenttigi Seriktestik departamentiniń bas sarapshysy Nurbek Nábiev tikelei efirde ótken baspasóz máslihaty barysynda.
Eske sala ketsek, keshe Aqmola oblystyq Politsiia departamenti Tótenshe jaǵdai rejimi kezinde Sybailas jemqorlyqqa qarsy is-qimyl agenttigi Aqmola oblysy boiynsha departamentiniń laýazymdy tulǵalary monsha kesheninde demalǵanyn habarlaǵan bolatyn. Vedomstvonyń málimetinshe, 18 sáýirde saǵat 22:30 shamasynda Kriminaldy politsiia basqarmasynyń qyzmetkerleri Kókshetaý qalasynda júrgizgen reid kezinde «Izbýshka» monsha kesheni iesi tótenshe jaǵdai rejimin buzǵanyn anyqtady. Monsha keshenin tekserý kezinde ishinde tórt adam bolǵan.
