Aqmola oblysynyń Jarqaiyń aýdanynda karantin kezinde qudalyq ótkizgen meiramhana iesi ákimshilik jazaǵa tartyldy, dep habarlaidy "Ult aqparat" oblystyq taýarlar men kórsetiletin qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, Jarqaiyń aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna aýdandyq politsiia bóliminen Derjavinsk qalasyndaǵy «Ajar» meiramhanasynda kópshiliktiń jinalýymen is-shara ótkizilgendigi týraly is materialdary tústi.
«Osyǵan bailanysty jeke kásipkerdiń ústinen QR ÁQbK 425-babynyń 1-bóligi boiynsha ákimshilik zańbuzýshylyq týraly hattama toltyryldy. Iaǵni, 230 ailyq eseptik kórsetkish kóleminde aiyppul túrinde ákimshilik shara qoldanyldy. Aiyppul kólemi qysqartyp aitqanda 319 470 myń teńgeni qurady», - deidi vedomstvodan.
