Almaty qalalyq Bilim basqarmasy basshysynyń orynbasary Gúlnar Aitqulova interneti men kompiýteri joq stýdentter qashyqtan qalai oqitynyn túsindirdi, dep habarlaidy "Ult aqparat".
«Bizde 8 kolledjdiń 108 stýdentinde smartfon joq. Stýdentter qashyqtan oqýǵa jiberiler kezde oqytýshylar olarǵa arnaiy materialdar taratqan. Olar «Qazposhta» arqyly jáne basqa da joldarmen ustazdarmen bailanysta otyr», - dedi ol.
G.Aitqulovanyń aitýynsha, pedagogtar bilim berýdi úilerinen júrgizip otyr.
«Meniń oiymsha, barlyq oqytýshyda noýtbýk pen smartfon bar. Qazir bilim basqarmasy oqytýshylardyń qolyndaǵy tehnika sanyn baqylaýǵa aldy», - dedi basqarma basshysynyń orynbasary.
Osy ýaqytqa deiin Qazaqstanda koronavirýske shaldyqqan 36 adam anyqtaldy. Onyń ishinde 17 jaǵdai - Almatyda, 18 fakti - Nur-Sultanda tirkelip otyr.
