Karantin kezeńinde avtokólik júrgizýshilerine «Sergek» kameralary boiynsha aiyppul qalai salynatyny túsindirildi, dep habarlaidy QazAqparat Memlekettik komissiianyń shuǵyl shtabyna silteme jasap.
«Politseiler toqtatý kezinde «Sergek-kúzet» bazasyna júrgizýshi men kólik derekterin: JSN, kóliktiń memlekettik nómirin jáne júrgizýshiniń aitýy boiynsha naqty turǵylyqty jeri men jumys ornyn engizedi.
Tekserý qorytyndysy boiynsha negizsiz jolǵa shyqqan jaǵdaida (azyq-túlik pen dári-dármekter satyp alýǵa barýdy qospaǵanda, bekitilgen baǵdardy negizsiz buzý) tártip buzýshylarǵa bir ret eskertý jasalady. Eger júrgizýshi ekinshi ret tártip buzǵan bolsa, onda Nur-Sultan qalalyq Mamandandyrylǵan aýdanaralyq ákimshilik sotynyń sheshimine sáikes 10 AEK aiyppuldan bastap, 15 táýlikke deiin ákimshilik qamaýǵa alynýy múmkin.
Qazirgi ýaqytta politsiia bazadaǵy TJ kezinde jasalǵan quqyq buzýshylyqtardy sanap jatyr, kún saiyn «jumys – úi» qaǵidaty boiynsha avtokólik júrgizýshileriniń derekteri engizilýde», - delingen aqparatta.
