Nur-Sultanda koronavirýs infektsiiasy taralýynyń aldyn alý sharalary kúsheitildi. Elordada 6 blokpost ornatyldy, dep habarlaidy elorda ákimdiginiń baspasóz qyzmeti.
Málimetke sai, blokposttar Talapker, Qaraótkel (Ilinka), Qoiandy, Qosshy, Jibek-Joly eldi mekenderi men «Nur-Sultan-Petropavl» avtojoly ýchaskesinde ornalasqan. Sondai-aq, Aqmola oblysynyń ákimdigi Shubar aýylynyń aýdanynda blokpost ornatty.
Iaǵni Talapker, Qaraótkel (Ilinka), Qoiandy, Qosshy, Jibek-Joly eldi mekenderiniń turǵyndary qalaǵa esh kedergisiz kirip-shyǵa alady. Olarǵa jumys ornynan anyqtama qaǵaz nemese mekenjai tirkelimin rastaityn qujat qajet emes. Bul eldi mekender karantindik aimaqtyń shekarasyna engizildi.
«Blokpostarda baqylaý aimaqtary, palatkalar jáne qyzmet kórsetý pýnktteri ornatylady. 19 naýryz kúni saǵat 00:00-den bastap elordada karantin rejimi engiziledi. Qalada jedel shtab jumys isteidi, koronavirýstyq infektsiia anyqtalǵan kezde is-qimyl algoritmi ázirlendi. Azamattardy retsiz úiden shyqpaýǵa, barlyq qaýipsizdik sharalaryn saqtaýǵa shaqyramyz» delingen habarlamada.
