Elorda ákimdigi karantin kezinde qalaǵa kirýge ne shyǵýǵa kimderge ruqsat berilgenin aitty, dep habarlaidy "Ult aqparat".
Elordadaǵy sanitarlyq blokpostar jumysynyń jańa algoritmi 13 mamyrdan bastap kúshine endi. Algoritmge sáikes, qala aýmaǵyna shyǵýǵa ne kirýge tyiym salýdy qamtamasyz ete otyryp, blokpostarda sanitarlyq-karantindik baqylaý jalǵasyp jatyr.
Oǵan mynalar qosylmaidy:
halyqtyń tynys-tirshiligin qamtamasyz etý uiymdarynyń qyzmetkerleri; TJ rejimi alynyp tastalǵannan keiin óz jumysyn qaita bastaǵan uiym qyzmetkerleri;
karantin aimaǵyna, odan tys jerlerdegi saiajai ýchaskelerine (qala syrtyndaǵy úilerge) bara jatqan tulǵalar;
meditsinalyq kórsetkishter boiynsha shyǵatyn jáne keletin adamdar; kóktemgi egis jumystaryna jiberilgen tulǵalar;
Aqmola oblysynyń Tselinograd, Arshaly, Shortandy jáne Qorǵaljyn aýdandarynyń turǵyndary;
QR basqa óńirlerinde tirkelgen karantin aimaqtarynan shyǵatyn adamdar sanitarlyq blokposttarda qajetti qujattardy toltyrǵannan keiin; patrýldik politsiianyń erip júrýinsiz jerleý maqsatynda karantin aimaǵyn kesip ótetin azamattar;
shet memleketterdiń azamattary; karantin aimaǵyna nemese karantin aimaǵynan ózderiniń kámeletke tolmaǵan balalaryna bara jatqan tulǵalar; karantin aimaǵyna nemese karantin aimaǵynan syrqat týystaryna kútim jasaý maqsatynda bara jatqan tulǵalar;
áýe reisimen bara jatqan tulǵalar;
qalpyna keltirý jumystary jáne sý tasqynyna qarsy is-sharalarǵa kómek kórsetý úshin Túrkistan oblysyna jiberiletin tulǵalar;
azyq-túlik jáne azyq-túliktik emes taýarlardyń jáne tranzit júk kólikter.
Sonymen qatar, bekitilgen qujatta karantin aimaǵyn kesip ótý boiynsha barlyq túpkilikti sheshimdi jaýapty qyzmetkerler blokpostarda qabyldaityny aitylǵan.
Nur-Sultan qalasynyń karantin aimaǵyn kesip ótetin árbir tulǵa «BLOKPOST» aqparattyq derekter bazasynda mindetti túrde esepke alynýy tiis.
