31 mamyrdaǵy jaǵdai boiynsha elimizde Almaty, Pavlodar, Túrkistan, Aqtóbe jáne Qyzylorda oblystaryndaǵy 12 saýyqtyrý uiymy sanitariialyq qaǵidalar men gigienalyq normativterdiń talaptaryna sáikestigi týraly qorytyndyny aldy. "Ult aqparat" bul týraly QR Densaýlyq saqtaý ministrligi Sanitariialyq-epidemiologiialyq baqylaý komitetine silteme jasap habarlaidy.
Bas memlekettik sanitariialyq dárigerdiń qaýlysymen balalardy saýyqtyrý lagerleriniń qyzmeti áleýmettik-ekonomikalyq obektilerdiń jumysyn shekteý kriteriilerimen aiqyndalǵan. «Jasyl» aimaqtaǵy ólshemderge sáikes jazǵy lagerler shekteýsiz, «sary» aimaqtaǵy lagerler - 50%, «qyzyl» aimaqtaǵy 30% júktememen jumys isteidi.
Munymen qosa, Bas memlekettik sanitariialyq dárigerdiń 26 mamyrdaǵy qaýlysyna sáikes balalardy saýyqtyrý lagerleriniń (mektep janyndaǵy, qala syrtyndaǵy) shekteý is-sharalary, onyń ishinde karantin kezindegi qyzmet algoritmi bekitildi. Oǵan sáikes, statsionarlyq demalys jáne saýyqtyrý uiymdarynyń personalyna jumys bastalǵanǵa deiin 72 saǵat buryn jasalǵan PTR zertteýdiń teris nátijesi bar anyqtama nemese koronavirýsqa qarsy vaktsinanyń tolyq kýrsyn alǵanyn rastaityn qujat bolǵan jaǵdaida ǵana qyzmetine kirisýge ruqsat beriledi.
Árbir bala lagerge kelý kezinde densaýlyq jaǵdaiy týraly qujattardy (saýyqtyrý lagerine baratyn oqýshyǵa arnalǵan 079/ý úlgisindegi meditsinalyq anyqtama), infektsiialyq aýrýlarǵa, onyń ishinde koronavirýs infektsiiasyna shaldyqqan naýqastarmen bailanystyń joqtyǵyn rastaityn anyqtamalardy, lagerge kelgenge deiin 72 saǵat buryn júrgizilgen PTR zertteýdiń teris nátijesi bar qujatty usynýy shart.
Budan bólek, saýyqtyrý uiymdarynyń barlyǵy sanitarlyq erejelerdiń talaptaryna sáikes kelýi qajet. Dálirek aitqanda, balalar lagerleri (jyl boiy jumys isteitin uiymdardy qospaǵanda) saýyqtyrý maýsymy bastalǵanǵa deiin sanitariialyq-epidemiologiialyq qorytyndy alýǵa mindetti.
Jyl boiy jumys isteitin saýyqtyrý uiymdary sanitariialyq-epidemiologiialyq qorytyndyny nysandy paidalaný merzimi bastalǵanǵa deiin bir ret alady.
31 mamyrdaǵy jaǵdai boiynsha elimizde Almaty, Pavlodar, Túrkistan, Aqtóbe jáne Qyzylorda oblystaryndaǵy 12 saýyqtyrý uiymy sanitariialyq qaǵidalar men gigienalyq normativterdiń talaptaryna sáikestigi týraly qorytyndyny aldy.
