Qaraǵandy oblysynda karantindik sharalar qaita kúsheitilmek. 13 maýsymnan bastap saýda-oiyn-saýyq ortalyqtary, azyq-túlik jáne azyq-túlik emes bazarlar da shekteýli ýaqytpen jumys isteidi, dep habarlaidy "Ult aqparat".
Mundai sheshimniń sebepterin Taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarov túsindirdi.
«Ókinishke orai, karantindik sharalardy jeńildetý turǵyndardyń beiqamdyǵyna alyp keldi. Kóptegen adamdar betperde kimeidi, áleýmettik qashyqtyqty saqtamaidy, qaýipsizdik erejelerin elemeidi. Tyiym salynǵanyna qaramastan, kóptegen adamdardyń qatysýymen otbasylyq is-sharalar uiymdastyrylady. Oǵan koronavirýstyq infektsiiamen syrqattanýshylyq jaǵdailaryn epidemiologiialyq tekserý nátijeleri dálel bolyp otyr», - dep atap ótti oblystyń bas memlekettik sanitarlyq dárigeri.
Karantindik rejim talaptarynyń 77 nysanda buzylǵany anyqtaldy.
Qoǵamdyq kólikte júrgizýshiler men jolaýshylar mindetti maskalyq rejimdi saqtamaidy.
Oblysta COVID-19 juqtyrǵandar sany qarqyndy ósip keledi. Búgingi kúni 1 290 jaǵdai tirkelgen. Jeti adam KVI-dan qaitys boldy.
«Óńirdi virýsty juqtyrǵandar óskenin eskere otyryp, qalyptasqan epidjaǵdaiǵa baǵa bere otyryp, biz oblysta karantinniń qatań sharalaryn engizý týraly sheshim qabyldadyq», - dedi Qanat Asqarov.
2020 jylǵy 13 maýsymnan bastap:
- qoǵamdyq kólik tańǵy saǵat 06.00-den 10.00-ǵa deiin jáne saǵat 17.00-den 21.00-ge deiin júredi;
- quqyq qorǵaý, arnaiy qyzmetter men meditsinalyq memlekettik organdar men uiymdardy qospaǵanda, jeke avtokóliktiń barlyq túrlerine 23.00-den 05.00-ge deiin júrýge tyiym salynady.
- Taksimen tek bir jolaýshyny nemese bir eresek adamnyń ertýimen kámeletke tolmaǵan eki balany tasymaldaýǵa bolady.
- Epidemiologiialyq jaǵdai turaqtanǵanǵa deiin Jezqazǵan, Qarqaraly, Shet aýdany Jaryq kentiniń karantindik aimaqtarynyń perimetri ýaqytsha belgilenedi. Olardyń kirý jáne shyǵý joldarynda blok beketter ornatylady.
- Birqatar nysandar úshin jumys kestesine shekteýler engiziledi.
HQKO kelýshilerdi saǵat 10.00-den 17.00-ge deiin qabyldaidy.
Saýda-oiyn-saýyq ortalyqtary, saýda úileri (ortalyqtary) jańa kestege kóshedi: jumys kúnderi-09.00-den 21.00-ge deiin, demalys kúnderi-09.00-den 13.00-ge deiin.
Azyq-túlik jáne azyq-túlik emes bazarlar jumys kúnderi saǵat 09.00-den 17.00-ge deiin ashylady. Demalys kúnderi sanitarlyq kún ótkizý úshin jabylýy tiis.
- Statsionarly emes qoǵamdyq tamaqtandyrý obektileriniń (dúńgirshekter, donerhanalar, onyń ishinde saiabaqtarda, gúlzarlarda jáne t. b. jerlerde ornalasqan nysandar) qyzmetine tyiym salynady.
- Memlekettik organdarda (uiymdarda), ulttyq kompaniialarda jáne olardyń filialdarynda, keńselerde qyzmetkerlerdiń keminde 70%-y qashyqtan jumys formatyna kóshýi tiis.
- 65 jastan asqan adamdarǵa asa qajetsiz kóshege shyǵý shekteledi.
- 14 jasqa deiingi balalarǵa eresektersiz júrip-turýyna, sondai-aq otbasy múshelerin qospaǵanda, úsh adamnan astam toppen jinalýyna tyiym salynady.
- Qaraǵandyda, Maiqudyq aýmaǵynda saiabaqtar, balalar aýla alańdary jabylady, gúlzarlar men alańdarda serýendeýge tyiym salynady.
Oblystyń bas sanitarlyq dárigeriniń qaýlylaryndaǵy talaptardyń saqtalýyn baqylaý kúsheitiledi. Tártip buzýshylardy qoldanystaǵy ákimshilik zańnamaǵa sáikes jazalaityn bolady.
Oblystyń bas sanitarlyq dárigeri qaraǵandylyqtardy barlyq erejelerdi qatań saqtaýǵa shaqyrdy.
«Tek osylaisha, birlese kúsh-jiger jumsai otyryp, COVID-19 boiynsha epidemiologiialyq jaǵdaidy turaqtandyryp, shekteýsiz qarapaiym ómirimizge qaita orala alamyz», - dep atap ótti ol.
