Búgin Úkimet otyrysynda QR Densaýlyq saqtaý ministri Aleksei Tsoi áleýmettik-ekonomikalyq nysandarǵa qandai shekteýler alynyp tastalǵanyn aitty, dep habarlaidy "Ult aqparat".
«Qyzyl» aimaqtaǵy sýpermarketterdiń, gipermarketterdiń jumys ýaqytyna qatysty shekteýler alynyp, ashyq bazarlardyń demalys kúni jumys isteýine ruqsat berildi. «Qyzyl» jáne «sary» aimaqtardaǵy dini nysandardyń qyzmetine jabyq úi-jaida ujymdyq is-sharalar ótkizbei, ashyq aýada qyzmet kórsetýine ruqsat etildi», - dedi ministr.
Onyń atap ótýinshe, «jasyl» aimaqtaǵy meiramhanalar, dámhanalarǵa, kofehanalarǵa tańerteńgi 7-den túngi saǵat 02-00-ge deiin ruqsat berildi. Bul rette atalǵan nysandardan bir ýaqytta 50-den artyq adam bolmaýy tiis. Sonymen qatar «jasyl» aimaqtaǵy kompterlik klýbtar, boýlingter tolymdylyǵy 30 paiyzben jumys istei alady. Al «sary» aimaqta kórermenderdiń qatysýymen sporttyq is-sharalar ótkizýge ruqsat berildi. Bul rette sporttyń is-shara ótetin oryn ne bári 15 paiyz tolymdylyqpen qyzmet kórsetýi qajet.
«Qyzyl» aimaqtaǵy jazǵy alańdarǵa 9-00-den 20-00-ge deiin 50 paiyz tolymdylyqpen, «sary» aimaqta 07-00-den 24-00-ge deiin 50 paiyz tolymdylyqpen, «jasyl» aimaqta 07-00-den 02-00-ge deiin 50 paiyz tolymdylyqpen jumys isteýge ruqsat berildi. Sonymen qatar «qyzyl» aimaqtaǵy ashana úlgisindegi qoǵamdyq tamaqtaný nysandary 24-00-ge deiin, «sary» jáne «jasyl» aimaqtarda táýlik boiy jumys istei alady», - dedi Aleksei Tsoi.
