Memlekettik komissiia ákimdiktermen birlesip, aýlalardy jáne oiyn alańdaryn ashý máselesin oilastyrýǵa tiis. Bul týraly QR Prezidenti Qasym-Jomart Toqaevtyń málimdemesinde atalyp ótti, dep habarlaidy "Ult aqparat".
«Oqshaýlaný kezinde ata-analarǵa kishkentai balalarymen tórt qabyrǵaǵa qamalyp otyrý ońai emes. Memlekettik komissiia ákimdiktermen birlesip, aýlalardy jáne oiyn alańdaryn ashý máselesin oilastyrýǵa tiis. Árine, aldymen, barlyq sanitarlyq normalar men sanitarlyq qaýipsizdik talaptary qatań saqtalýy kerek», - dedi Memleket basshysy.
Sonymen qatar Qasym-Jomart Toqaev saiajaida jumys isteitinderge qatysty másele qarastyrylǵanyn atap ótti.
«Saiajai ieleri de qatty alańdap otyr. Óitkeni, qazir kóktemniń dál ortasy, jurtqa qolaily kezeń. Memlekettik komissiia bul máseleni qarastyrdy, endi ony sheshý jolyn aitady», - dedi Prezident.
