Almatyda karantin rejiminiń engizilýine bailanysty kólik sany azaiyp, QR Ekologiia, geologiia jáne tabiǵi resýrstar ministrligine qalada aýa lastanýynyń naqty kózderin anyqtaý múmkindigi týdy, dep habarlaidy "Ult aqparat" ministrlikke silteme jasap.
Osyǵan orai, Almaty qalasynyń birneshe núktesinde aýadaǵy lastaýshy zattardyń shoǵyrlanýyna jospardan tys ólsheý júrgiziledi.
«Qazaqstan Respýblikasynda tótenshe jaǵdaidyń jariialaýyna jáne karantinniń engizýine bailanysty Almaty qalasynda alǵash ret avtomobil kóliginiń sany aitarlyqtai tómendedi. Osylaisha Almaty qalasynda atmosferalyq aýanyń negizgi lastaný kózin anyqtaýǵa múmkindik týdy. Jylý elektr ortalyǵynyń jalpy qala aýasynyń sapasyna qanshalyqty áser etetinin jáne Almaty qalasyndaǵy kólik kóp júretin kóshe qiylystaryndaǵy aýanyń lastanýyn anyqtaý maqsatynda QR Ekologiia, geologiia jáne tabiǵi resýrstar ministriniń tapsyrmasymen «Qazgidromet» RMK 20 naýryzdan bastap karantin boiy jáne ol aiaqtalǵannan keiin bir ai boiy kelesi núktelerde aýadaǵy lastaýshy zattardyń shoǵyrlanýyna jospardan tys ólsheý júrgizetin bolady: Saiahat avtovokzaly aýdanynda; Tastaq bazarynyń aýdanynda; JEO-2 sanitarlyq-qorǵaý aimaǵynyń shekarasynda«, - delingen ministrliktiń Telegram-paraqshasynda jariialanǵan aqparatta.
Vedomstvo málimetinshe, taldaý sinoptikalyq jaǵdaidy eskere otyryp júrgiziledi. Sondai-aq jospardan tys ólshemderden bólek QR Ekologiia, geologiia jáne tabiǵi resýrstar ministrligi «Qazgidromet» RMK-niń aýanyń lastanýyn baqylaý beketterindegi datchikterdiń derekteri qoldanylady.
