Almaty politsiiasy jolaýshylardy karantin aimaǵynan zańsyz shyǵaryp júrgen taksi júrgizýshilerin anyqtady, - dep habarlaidy Qalalyq PD baspasóz qyzmeti.
Departamenttiń habarlaýynsha, mundai zańbuzýshylyqpen Almaty jáne Almaty oblysynyń shekarasynda ornalasqan eki úidiń turǵyndary ainalysqan.
Olar azamattardy qaladan oblysqa jáne keri tasymaldaý shemasyn jasaǵan.
«Olar qalai áreket etti? Taksi júrgizýshileriniń biri shartty túrde qaladan klient alyp, ony Alataý aýdanyndaǵy Terekti yqshamaýdanynda ornalasqan jeke úige alyp barady. Klient odan ári jaiaý júrip, aýladan ótedi, sodan keiin jalpy qaqpadan Almaty oblysynyń Qarasai aýdany, Kóksai aýylynda ornalasqan taǵy bir jeke ǵimarattyń aýlasyna kiredi. Jolaýshyny qaqpanyń ar jaǵynda taǵy bir taksi júrgizýshisi kútip turady jáne ol klientti dittegen jerine jetkizdi. Júrgizýshiler Talǵarǵa jetkizgeni úshin 8 myń teńge alǵan. Al eki kórshi bir adamdy bir baǵytqa ótkizgeni úshin 3 myń teńgeden alyp otyrǵan», – dedi Almaty qalalyq politsiia departamenti basshysynyń orynbasary Berik Ábilbekov.
Ótken túnde «tranzittik biznestiń» barlyq oiynshylary ustaldy. Olardyń árqaisysynyń áreketine zańǵa sáikes shara qabyldanǵannan keiin quqyqtyq baǵa beriledi.
