Almaty qalasy ákiminiń orynbasary Saparbek Tuiaqbaev onlain brifing barysynda qalany azyq túlikpen qamtityn Jasyl dáliz qalai jumys isteitinin túsindirdi, dep habarlaidy "Ult aqparat".
«Qazir biz kásipkerlermen ózara bailanys jumystaryn júrgizip jatyrmyz. Kásipkerlerdiń qoǵan suraqtary kóp. Óndirýshiler, logistikalyq kompaniialar, iri saýda ortalyqtary taýarlaryn qalaǵa kirgizip, qaladan oblysqa qalai shyǵaramyz dep jatyr. Qalanyń shekarasynda bolsyn, ishinde bolsyn olarǵa qozǵalýyna ruqsat beriledi. Álbette SEQ talaptaryn saqtaǵan jaǵdaida olar úshin jasyl dáliz ashylady. Qazir «Altyn orda» ortalyǵymen logistikalyq máseleler sheshilip jatyr. Eger olardyń qozǵalysyna qandaida bir shekteý, qysym bolsa, biz arnaiy shtab telefondaryn beremiz. Sol arqyly kásipkerler shaǵymyn jetkize alady», - dedi qala ákiminiń orynbasary.
