Almatyda karantin jaǵdaiynda taksi qyzmeti qalai jumys isteitinin qalalyq Mobildilik basqarmasynyń basshysy Saǵyndyq Telebaev onlain brifing barysynda aitty, dep habarlaidy "Ult aqparat".
«Taksi boiynsha aitar bolsaq, bizdiń reestrde taksoparkter resmi túrde tirkelmegen. Endi 6 taksopark reestrge tirkelýge ynta bildirdi. Qazir bul parkter boiynsha júrgizýshilerdiń densaýlyǵy tekserilip jatyr. Barlyq kóliktiń salony men kýzovy jýylyp jatyr», - dedi ol.
Basqarma basshysynyń aitýynsha, tótenshe jaǵdai kezinde qaladaǵy barlyq trotýar tipindegi turaqtar tegin jumys istep tur.
Basqarma basshysy tótenshe jaǵdai kezinde keibir avtobýs marshrýttary ózgergenin aitty.
«Qala syrtynan jolaýshy tasityn marshrýttar jumys istep turǵan joq. Bizdiń marshrýttar blok beketterge deiin baryp, ary qarai adamdar ózderi qatynap jatyr», - dedi ol Qalqaman shaǵyn aýdany turǵyndarynyń saýalyna jaýap bere otyryp.
