الماتىدا كارانتين جاعدايىندا تاكسي قىزمەتٸ قالاي جۇمىس ٸستەيتٸنٸن قالالىق موبيلدٸلٸك باسقارماسىنىڭ باسشىسى ساعىندىق تەلەباەۆ ونلاين بريفينگ بارىسىندا ايتتى, دەپ حابارلايدى "ۇلت اقپارات".
«تاكسي بويىنشا ايتار بولساق, بٸزدٸڭ رەەستردە تاكسوپاركتەر رەسمي تٷردە تٸركەلمەگەن. ەندٸ 6 تاكسوپارك رەەسترگە تٸركەلۋگە ىنتا بٸلدٸردٸ. قازٸر بۇل پاركتەر بويىنشا جٷرگٸزۋشٸلەردٸڭ دەنساۋلىعى تەكسەرٸلٸپ جاتىر. بارلىق كٶلٸكتٸڭ سالونى مەن كۋزوۆى جۋىلىپ جاتىر», - دەدٸ ول.
باسقارما باسشىسىنىڭ ايتۋىنشا, تٶتەنشە جاعداي كەزٸندە قالاداعى بارلىق تروتۋار تيپٸندەگٸ تۇراقتار تەگٸن جۇمىس ٸستەپ تۇر.
باسقارما باسشىسى تٶتەنشە جاعداي كەزٸندە كەيبٸر اۆتوبۋس مارشرۋتتارى ٶزگەرگەنٸن ايتتى.
«قالا سىرتىنان جولاۋشى تاسيتىن مارشرۋتتار جۇمىس ٸستەپ تۇرعان جوق. بٸزدٸڭ مارشرۋتتار بلوك بەكەتتەرگە دەيٸن بارىپ, ارى قاراي ادامدار ٶزدەرٸ قاتىناپ جاتىر», - دەدٸ ول قالقامان شاعىن اۋدانى تۇرعىندارىنىڭ ساۋالىنا جاۋاپ بەرە وتىرىپ.
