Almatyda karantin kezinde massajǵa barǵan tórt adam ustaldy, dep habarlaidy "Ult aqparat".
Almaty qalalyq Politsiia departamenti baspasóz departamentiniń habarlaýynsha, tekseris kezinde massaj salonynda 7 boijetkeniń qyzmet kórsetip jatqany anyqtaldy.
«Salonnyń biri qalanyń Medeý aýdanynda ornalasqan. Ekinshisi – Bostandyqta. Tekserý kezinde ol jerde jeti boijetkenniń qyzmet kórsetkeni belgili boldy. Ishinde salon ákimshileri de bar. Ákimshilik is júrgizý úshin 11 adam aýdandyq politsiia basqarmasyna jetkizildi. Olardyń áreketi QR ÁQbK-niń 476-baby – tótenshe jaǵdai rejimin buzý bolyp tanyldy», – dedi Almaty qalalyq PD bastyǵynyń birinshi orynbasary Nurlan Almasbekov.
Onyń aitýynsha, áli kúnge deiin kóp adam virýstan qandai qaýip tónip turǵanyn bile bermeidi.
«Mundai faktiler, ókinishke qarai, bir-ekeý emes. Olardyń qyzmeti mindetti túrde toqtatylady, kináliler jazalanady. Bul baǵytta arnaiy mobildi toptar jumys istep jatyr», – deidi N. Almasbekov.
