Almatyda qalada júrýge ruqsat beretin qaǵaz anyqtamalar 7 sáýirden bastap jaramsyz sanalady, dep habarlaidy "Ult aqparat".
Qalada Tótenshe jaǵdai rejimin qamtamasyz etý boiynsha jedel shtab karantin kezinde jumys isteitin kásiporyndardyń elektrondyq tizimin jasady.
«Bul bazaǵa meditsinalyq qyzmetkerler, quqyq qorǵaý organdarynyń qyzmetkerleri, memlekettik organdar, kommýnaldyq qyzmet pen BAQ ókilderi, taksi men tapsyryspen jetkizý qyzmetiniń ókilderi kirgen. Bul uiymdardan ótinim 1 sáýirden bastap qabyldanyp qoiǵan. Kásiporyn basshylary qyzmetkerlerine 6 sáýirge deiin jaramdy anyqtama jazyp bergen. Turǵyndar túrli formattaǵy qaǵaz qujat kórsete bastaǵan. Jedel shtab eshqandai ruqsat qaǵazdar men arnaiy ruqsatnama berilmeitinin resmi málimdeidi. Tek elektrondyq baza ǵana jumys isteidi. Búgingi tańda ruqsat alýǵa ótinish jibergen barlyq kásipkerlerge ruqsat berý nemese tyiym salý týraly elektrondyq hattar jiberildi», - dedi qalalyq ákimdiktiń baspasóz qyzmetinen.
Derekterdi toltyrý kezindegi qatelikterdiń kóp bolýyna, bazada jekelegen qyzmetkerler men avtokólikterdiń bolýy nemese bolmaýyna bailanysty kásipkerler Almaty Politsiia departamentiniń bailanys ortalyǵyna 254 40 07 telefony arqyly nemese business_stab@almatydc.kz elektrondyq poshtasy arqyly tekserýi kerek.
