الماتىدا قالادا جٷرۋگە رۇقسات بەرەتٸن قاعاز انىقتامالار 7 سەۋٸردەن باستاپ جارامسىز سانالادى, دەپ حابارلايدى "ۇلت اقپارات".
قالادا تٶتەنشە جاعداي رەجيمٸن قامتاماسىز ەتۋ بويىنشا جەدەل شتاب كارانتين كەزٸندە جۇمىس ٸستەيتٸن كەسٸپورىنداردىڭ ەلەكتروندىق تٸزٸمٸن جاسادى.
«بۇل بازاعا مەديتسينالىق قىزمەتكەرلەر, قۇقىق قورعاۋ ورگاندارىنىڭ قىزمەتكەرلەرٸ, مەملەكەتتٸك ورگاندار, كوممۋنالدىق قىزمەت پەن باق ٶكٸلدەرٸ, تاكسي مەن تاپسىرىسپەن جەتكٸزۋ قىزمەتٸنٸڭ ٶكٸلدەرٸ كٸرگەن. بۇل ۇيىمداردان ٶتٸنٸم 1 سەۋٸردەن باستاپ قابىلدانىپ قويعان. كەسٸپورىن باسشىلارى قىزمەتكەرلەرٸنە 6 سەۋٸرگە دەيٸن جارامدى انىقتاما جازىپ بەرگەن. تۇرعىندار تٷرلٸ فورماتتاعى قاعاز قۇجات كٶرسەتە باستاعان. جەدەل شتاب ەشقانداي رۇقسات قاعازدار مەن ارنايى رۇقساتناما بەرٸلمەيتٸنٸن رەسمي مەلٸمدەيدٸ. تەك ەلەكتروندىق بازا عانا جۇمىس ٸستەيدٸ. بٷگٸنگٸ تاڭدا رۇقسات الۋعا ٶتٸنٸش جٸبەرگەن بارلىق كەسٸپكەرلەرگە رۇقسات بەرۋ نەمەسە تىيىم سالۋ تۋرالى ەلەكتروندىق حاتتار جٸبەرٸلدٸ», - دەدٸ قالالىق ەكٸمدٸكتٸڭ باسپاسٶز قىزمەتٸنەن.
دەرەكتەردٸ تولتىرۋ كەزٸندەگٸ قاتەلٸكتەردٸڭ كٶپ بولۋىنا, بازادا جەكەلەگەن قىزمەتكەرلەر مەن اۆتوكٶلٸكتەردٸڭ بولۋى نەمەسە بولماۋىنا بايلانىستى كەسٸپكەرلەر الماتى پوليتسييا دەپارتامەنتٸنٸڭ بايلانىس ورتالىعىنا 254 40 07 تەلەفونى ارقىلى نەمەسە business_stab@almatydc.kz ەلەكتروندىق پوشتاسى ارقىلى تەكسەرۋٸ كەرەك.
