Búginnen bastap Almatyda karantin talaptary kúsheidi. Qalanyń bas sanitariia dárigeri Qarlyǵash Ábdijabbarova epidemiologiialyq jaǵdai kúrdelenýine jáne «Omikron» shtamyna bailanysty jańa qaýlyǵa qol qoidy, dep habarlaidy QazAqparat.
Qujatta Almatynyń epidemiologiialyq ahýaldy baǵalaý matritsasynyń «qyzyl» aimaǵynda ornalasqandyǵy kórsetilgen.
Osyǵan bailanysty turǵyndar kelesi talaptardy qatań saqtaýy kerek:
1) Ashyq jobasyna 30 adamǵa deiin qatysatyn obektilerde eske alý rásimin júrgizýdi qospaǵanda, ashyq aýada da, úi ishinde de, otbasylyq, eske alý is-sharalaryn qosa alǵanda, onyń ishinde úide ótetin buqaralyq is-sharany ótkizýge jáne olarǵa qatysýǵa tyiym salý;
2) qoǵamdyq oryndarǵa, onyń ishinde qalalyq qoǵamdyq kólikke jáne qyzmetine ruqsat etilgen obektilerge barǵan kezde, sondai-aq qoǵamdyq oryndarda ashyq aýada bolǵan kezde (5 jasqa deiingi balalardy qospaǵanda jáne ashyq aýada sportpen shuǵyldanǵan kezde) – betperde taǵý, áleýmettik qashyqty saqtaý jáne antiseptikti paidalaný;
3) PTR synamanyń oń nátijesin alǵan kezde («qyzyl mártebe») jáne COVID-19 naýqaspen jaqyn bailanysta bolǵan kezde («sary mártebe») (jaqyn bailanys) jáne COVID-19-ǵa qarsy vaktsinatsiianyń tolyq kýrsyn alǵany týraly qujattyq rastaý bolmaǵan kezde-14 kún ishinde ózin-ózi oqshaýlaý rejimi.
Sonymen qatar, sport-saýyqtyrý ortalyǵyna, fitnes ortalyqqa, ioga ortalyqtaryna, monsha, saýna, basseinderge kirýge 2022 jylǵy 15 qańtardan bastap Ashyq «jasyl» mártebesi bar adamdarǵa ǵana ruqsat etiledi. Sondai-aq, Ashyq jobasyna 30 adamǵa deiin qatysatyn obektilerde eske alý sharalaryn ótkizýdi qospaǵanda, ashyq aýada da, úi ishinde de, otbasylyq, eske alý is-sharalaryn qosa alǵanda, onyń ishinde úide de buqaralyq is-sharalardy ótkizýge tyiym salyndy.
Ashyq jobasyna qatysýyna qaramastan tyiym salý:
- kontsert zaldary, teatr, tsirk, filarmoniialardyń qyzmetine;
- dini birlestikter obektilerinde (meshit, shirkeý, sobor, sinagoga jáne t. b.) ujymdyq is-sharalar (juma namazy, dini joralar jáne t. b.) ótkizýge;
- konferentsiia, seminar, kórme, forýmdar ótkizýge;
- túngi klýbtardyń qyzmetine;
- qoǵamdyq tamaqtaný obektilerinde bar taǵandarǵa qyzmet kórsetýge, án aitý jáne bi qyzmetterin usyna otyryp, karaoke qyzmetine (qoǵamdyq tamaqtaný boiynsha qyzmetterdi qospaǵanda);
- jeke kezdesýler ótkizýge (10 egilgen adamǵa deiin).
Almaty qalasynyń bas sanitarlyq dárigeri qysqartý týraly qaýly qabyldady:
- qoǵamdyq tamaqtaný obektilerinde bir ústelge kelýshiler sany 4 adamǵa deiin (ártúrli úi sharýashylyqtarynan);
- qyzyl aimaqtaǵy kinoteatrlardyń (Ashyq jobasyna qatysýshylardyń) tolymdylyǵy – 30%-dan aspaidy.
Tirshilikti qamtamasyz etý jáne kommýnaldyq sharýashylyq obektilerin qospaǵanda, qyzmetkerlerdi COVID-19-ǵa qarsy vaktsinatsiia jáne revaktsinatsiia júrgizýge qaramastan, memlekettik organdar (uiymdar), ulttyq kompaniialar, kásiporyndar personalynyń keminde 70%-y qashyqtan jumys nysanyna aýystyrylsyn.
Menshik nysanyna qaramastan mektepterde oqytý qashyqtan formatta bolady. Barlyq kýrstardyń stýdentteri úshin joǵary oqý oryndary men kolledjderdiń jumysyn aralas oqytý formatynda uiymdastyrý: barlyq dárister – onlain, praktika, zerthana, seminar sabaqtar – yńǵaily keste boiynsha shtatty formatta. Vaktsinatsiianyń tolyq kýrsyn aiaqtaǵan vaktsinatsiialanǵan stýdentterdi oqý orny ákimshiliginiń qalaýy boiynsha shtattyq rejimde oqytýǵa jol beriledi.
Qosymsha bilim berý uiymdarynda jeke sabaq oqytý – turaqty rejimde, toptyq sabaqty – 10 adamǵa deiin, balalar men eresekterge arnalǵan túzetý ortalyqtarynda, jeke jáne toptyq sabaqtarda – turaqty rejimde – 10 adamǵa deiin.
Sondai-aq monitoring toptarynyń jumysy kúsheitiledi.
Qaýly 14 qańtardan bastap kúshine enedi.
