Almatyda 700-ge jýyq politsiia qyzmetkeri karantin kezeńinde jataqhanalaryna ornalastyryldy, dep habarlaidy "Ult aqparat".
Qaladaǵy karantindik rejimge bailanysty, qaýipti virýstyń taralýyn boldyrmaý maqsatynda qaladan tys jerde turatyn PD qyzmetkerleri ýaqytsha jataqhanalarǵa ornalastyryldy.
«Bizdiń qalamyz karantin rejiminde bolǵandyqtan, kez-kelgen turǵyn juqpaly aýrýdyń qozdyrǵyshy bola alady. Tótenshe jaǵdaida quqyq qorǵaý júiesiniń jumysy kúsheiip, politsiia qyzmetkerleriniń halyqpen bailanysy jumystyń ajyramas bóligi bolyp tabylady. Politsiia jumysynyń ereksheligine bailanysty, qalanyń syrtynda turatyn tártip saqshylaryn ýaqytsha turǵyn úimen qamtamasyz etý týraly sheshim qabyldandy. Memleket esebinen bizdiń qyzmetkerlerimizge ýaqytsha turǵyn úidiń barlyq qajetti jaǵdailary jasaldy. Karantin kezinde Almatynyń barlyq politsiia qyzmetkerleri kazarmalyq rejimde qalada bolady», – dedi lmaty qalalyq PD basshysynyń orynbasary Ábdýali Nasharbekov.
Óz kezeginde, tártip saqshylary turatyn jataqhanalarda qajetti jaǵdailar jasalǵan aitty.
«Úide úsh balam, áielim jáne anam qaldy. Árine, biz saǵynamyz. Biraq bul qyzmet jáne biz barlyǵymyz týysqandar aldyndaǵy jaýapkershilikti jáne ózimizge júktelgen mindetterdi túsinemiz. Turǵyn úi jaǵdailary týraly shaǵymdar joq, bizde bári bar. Qajet bolsa, kazarmada, shatyrlyq lagerlerde de turamyz, eń bastysy – bizdiń elimiz tynysh jáne azamattarymyzǵa eshteńe qaýip tóndirmese boldy», – dedi Metropolitendegi politsiia basqarmasynyń qyzmetkeri Qýat Baishýaqov.
