Eldiń rýhani damýy men kemeldenýi úshin eń mańyzdysy, halyqqa tiisti jaǵdai jasalýy kerek.
Tuńǵysh Prezident kúni qarsańynda Tselinograd aýdanynyń Qaramendi batyr aýylynda mədeniet úiiniń saltanatty ashylýy bolyp ótti.
Saltanatty is-sharaǵa qatysqan Tselinograd aýdanynyń ákimi Malǵajdar Tátkeev aýyl turǵyndaryn Tuńǵysh Prezident kúnimen quttyqtai kelip, mańyzdy nysannyń ashylýyna orai júrekjardy tilegin jetkizdi.
Qysqa ǵana ýaqyt ishinde «Arystan» sharýa qojalyǵynyń basshysy, jergilikti jeke kásipker Qanat Temirov mádeniet úiin kúrdeli jóndeýden ótkizip, el igiligine paidalanýǵa berdi. Bul qýanyshtyń bir ereksheligi, osy ýaqytqa deiin aýylda mádeniet úii bolmaǵan.
Ǵimarat jalpy kólemi 943 sharshy metrdi quraidy. Jańa klýbtyń kórermenge arnalǵan zaly 230 orynǵa laiyqtalǵan. Sondai-aq, horeografiialyq zal, qolóner, dombyra úirený, ájeler vokal toby, toǵyzqumalaq, doiby-shahmatqa arnalǵan úiirme kabinetteri, kostiýmer, grimerlik bólmeler bar. Eń bastysy, aýyl halqyna shyǵarmashylyqpen ainalysýǵa úlken múmkindik týyp otyr. Klýb aýylda mədeni shyǵarmashylyq orta qalyptastyryp, elimizdiń ulttyq qundylyqtaryn jastardyń boiyna sińirýde úlken ról atqaratyny anyq.
Aýdanda «Rýhani jańǵyrý» aiasynda atqarylyp jatqan is-sharalar kóptegen igi iske bastama boldy. Otanǵa degen súiispenshilik týǵan jerden bastaý alady. Týǵan jerdiń ósip-órkendeýine atsalysý shynaiy patriotizmniń kórinisi. Sondyqtan da, óńirde «Týǵan jer» baǵdarlamasy aiasynda kəsipkerlerdiń, aýyl azamattarynyń demeýshiligimen birneshe nysan salynyp, jańartylýy úlken qýanysh.
