ەلدٸڭ رۋحاني دامۋى مەن كەمەلدەنۋٸ ٷشٸن ەڭ ماڭىزدىسى, حالىققا تيٸستٸ جاعداي جاسالۋى كەرەك.
تۇڭعىش پرەزيدەنت كٷنٸ قارساڭىندا تسەلينوگراد اۋدانىنىڭ قارامەندٸ باتىر اۋىلىندا مəدەنيەت ٷيٸنٸڭ سالتاناتتى اشىلۋى بولىپ ٶتتٸ.
سالتاناتتى ٸس-شاراعا قاتىسقان تسەلينوگراد اۋدانىنىڭ ەكٸمٸ مالعاجدار تەتكەەۆ اۋىل تۇرعىندارىن تۇڭعىش پرەزيدەنت كٷنٸمەن قۇتتىقتاي كەلٸپ, ماڭىزدى نىساننىڭ اشىلۋىنا وراي جٷرەكجاردى تٸلەگٸن جەتكٸزدٸ.
قىسقا عانا ۋاقىت ٸشٸندە «ارىستان» شارۋا قوجالىعىنىڭ باسشىسى, جەرگٸلٸكتٸ جەكە كەسٸپكەر قانات تەمٸروۆ مەدەنيەت ٷيٸن كٷردەلٸ جٶندەۋدەن ٶتكٸزٸپ, ەل يگٸلٸگٸنە پايدالانۋعا بەردٸ. بۇل قۋانىشتىڭ بٸر ەرەكشەلٸگٸ, وسى ۋاقىتقا دەيٸن اۋىلدا مەدەنيەت ٷيٸ بولماعان.
عيمارات جالپى كٶلەمٸ 943 شارشى مەتردٸ قۇرايدى. جاڭا كلۋبتىڭ كٶرەرمەنگە ارنالعان زالى 230 ورىنعا لايىقتالعان. سونداي-اق, حورەوگرافييالىق زال, قولٶنەر, دومبىرا ٷيرەنۋ, ەجەلەر ۆوكال توبى, توعىزقۇمالاق, دويبى-شاحماتقا ارنالعان ٷيٸرمە كابينەتتەرٸ, كوستيۋمەر, گريمەرلٸك بٶلمەلەر بار. ەڭ باستىسى, اۋىل حالقىنا شىعارماشىلىقپەن اينالىسۋعا ٷلكەن مٷمكٸندٸك تۋىپ وتىر. كلۋب اۋىلدا مəدەني شىعارماشىلىق ورتا قالىپتاستىرىپ, ەلٸمٸزدٸڭ ۇلتتىق قۇندىلىقتارىن جاستاردىڭ بويىنا سٸڭٸرۋدە ٷلكەن رٶل اتقاراتىنى انىق.
اۋداندا «رۋحاني جاڭعىرۋ» اياسىندا اتقارىلىپ جاتقان ٸس-شارالار كٶپتەگەن يگٸ ٸسكە باستاما بولدى. وتانعا دەگەن سٷيٸسپەنشٸلٸك تۋعان جەردەن باستاۋ الادى. تۋعان جەردٸڭ ٶسٸپ-ٶركەندەۋٸنە اتسالىسۋ شىنايى پاتريوتيزمنٸڭ كٶرٸنٸسٸ. سوندىقتان دا, ٶڭٸردە «تۋعان جەر» باعدارلاماسى اياسىندا كəسٸپكەرلەردٸڭ, اۋىل ازاماتتارىنىڭ دەمەۋشٸلٸگٸمەن بٸرنەشە نىسان سالىنىپ, جاڭارتىلۋى ٷلكەن قۋانىش.
