«Qazaqstan temir joly» UK laýazymdy tulǵasy ustaldy. Bul týraly Sybailas jemqorlyq agenttigi habarlady.
«Sybailas jemqorlyqqa qarsy qyzmet QR Bas kólik prokýratýrasymen birlesip júrgizilgen is - sharalardyń nátijeleri boiynsha «QTJ» «UK» AQ – «Magistraldyq jeli direktsiiasy» filialynyń Jol jáne qurylystar departamentiniń direktoryn ustady. Ol uzaq ýaqyt boiy júieli negizde qyzmeti boiynsha jalpy qamqorlyǵy úshin aýmaqtyq bólimshelerdiń basshylarynan aqshalai qarajat alǵan. Barlyǵy 5 mln teńgeden astam qarajat alyndy. Sottyń sanktsiiasymen kúdikti qamaýǵa alyndy. Kinálilik týraly túpkilikti sheshimdi sot anyqtaidy.», - delingen habarlamada.
Ózge aqparat tergeý múddesinde jariia etýge jatpaidy.
