Foto: novostiphuketa.ru
Qaraǵandydaǵy túzeý mekemeleriniń birinde sottalýshylardyń quqy buzylǵan. Oqiǵanyń videosy áleýmettik jelide tarady, dep habarlaidy Sputnik Qazaqstan.
Qaraǵandy jáne Ulytaý oblystyq Qylmystyq atqarý júiesi departamentine qarasty №31 mekemede tártiptsizdik bolǵan. Departament basshysy derekke qatysty túsinikteme berdi.
"Bul fakt buryn bolǵan. 31-mekemedegi qyzmetkerler men sottalǵandar arasyndaǵy zańsyz áreketterge qyzmettik tergeý júrgizildi. Qyzmetkerler jaýapqa tartyldy. Burys aqparat taratpaý maqsatynda quqyq qorǵaý organdary mekemeni baryp tekserdi. Sonymen qatar QAJD basshysy sottalǵandardyń týystarymen kezdesý ótkizdi. Qazirgi kúni jaǵdai turaqty, mekemede baqylaý júrgizilip turady", - deidi departament bastyǵy Bekbolat Shákirov.
Áleýmettik jelide taraǵan beinejazbadan sottalýshylardy májbúrlep, eden jýdyryp jatqanyn kórýge bolady.
