Memleket basshysynyń Jarlyǵymen Ermaǵanbet Qabdululy Bólekpaev Qaraǵandy oblysynyń ákimi laýazymyna taǵaiyndaldy, dep habarlaidy "Ult aqparat" Aqordanyń resmi saityna silteme jasap.
"Ermaǵanbet Qabdululy Bólekpaev Qaraǵandy oblysynyń ákimi laýazymyna taǵaiyndalsyn", - delingen Jarlyq mátininde.
Ermaǵanbet Bólekpaev 1975 jyly 2 qyrkúiekte Qaraǵandy oblysy Shet aýdany Óspen aýylynda dúniege kelgen. 1996 jyly E. A. Bóketov atyndaǵy Qaraǵandy memlekettik ýniversitetiniń ekonomika fakýltetin bitirgen.
Eńbek jolyn 1996 jyly «Kazkommertsbank» AAQ Temirtaý filialynda ekonomist bolyp bastaǵan. 1997 jyldan 1998 jylǵa deiin Astanadaǵy «Biznes-Inform» AKO ókildiginiń direktory qyzmetin atqardy. 1998 jyldyń qarashasynda indýstriia, energetika jáne saýda ministrliginde eksporttyq baqylaý jáne litsenziialaý departamentiniń bas mamany bolyp jumys istei bastady. 2002 jyly osy vedomstvo bastyǵynyń orynbasary boldy.
2006 jyly Pavlodar oblysy ákimi apparaty basshysynyń orynbasary, sodan keiin 2006 jyldan 2008 jylǵa deiin Pavlodar oblysy Pavlodar aýdanynyń ákimi boldy.
2008 jyldan 2009 jylǵa deiin Pavlodar oblysynyń kásipkerlik jáne ónerkásip basqarmasyn basqardy.
QR Memlekettik qyzmet isteri agenttiginiń Qaraǵandy, Ońtústik Qazaqstan oblystary jáne Nur - Sultan qalasy boiynsha basqarmasynyń aýmaqtyq basqarmasynyń bastyǵy-Tártiptik keńesiniń tóraǵasy qyzmetin atqardy
2013 jyldan 2018 jylǵa deiin Astanadaǵy «Saryarqa», «Almaty» jáne «Esil» aýdandarynyń ákimi boldy.
2018 jyly Qazaqstan Respýblikasy Prezidenti Ákimshiliginiń memlekettik inspektory bolyp taǵaiyndaldy.
2018 jyldan 2020 jylǵa deiin Qaraǵandy oblysy ákiminiń orynbasary qyzmetin atqardy.
2020 jyldyń qyrkúieginde Qaraǵandy qalasynyń ákimi bolyp taǵaiyndaldy.
Aita keteiik, Qaraǵandy oblysyn 2019 jyldyń qyrkúieginen beri Jeńis Qasymbek basqaryp keldi.
