Qaraǵandy oblysynyń eriktileri Túrkistan oblysyndaǵy sý basyp qalǵan aýyldardyń turǵyndaryna gýmanitarlyq kómektiń alǵashqy partiiasyn jiberdi, - dep habarlaidy QazAqparat.
Túrkistan oblysynyń Maqtaaral aýdanynda tehnogendik sipattaǵy tótenshe jaǵdai jariialandy. Eldi mekenderdi Ózbekstannyń sý qoimasyndaǵy bóget jarylǵannan keiin sý basty. 30 myńnan astam turǵyn qaýipsiz jerge kóshirildi.
«Zardap shekkenderge kómektesý – bizdiń paryzymyz. Sondai-aq, Saryarqa Jastary oblystyq shtabynyń eriktileri 2 mamyrdan bastap sý tasqynynan zardap shekkenderge gýmanitarlyq kómek jinaýdy bastady. Búgin biz olarǵa 2 tonnadan astam júk jiberemiz», - deidi Saryarqa Jastary eriktiler oblystyq shtabynyń ókili Álisher Samarbaev.
Onyń aitýynsha, birinshi kezekte qajetti ónimder men gigiena quraldarynan gýmanitarlyq júk jinaýǵa «Lingva» shet tilderi kolledjini ókilderi men kásipkerler kómektesti. Bul tek birinshi partiia. Sý apatynan zardap shekkenderge gýmanitarlyq kómek jinaý jalǵasyp jatyr.
«Bul kómekti biz úsh kún ishinde jinai aldyq. Bizdiń demeýshilerimizge, sondai-aq qarapaiym adamdarǵa alǵys aitamyz. Qazirgi kúrdeli ýaqytta bir - birimizge kómek kórsetý, adamgershilikti saqtaý jáne jaqsylyqty arttyrýdyń mańyzy óte zor», - dep atap ótti volonter Symbat Áýbakirova.
