Qaraǵandydaǵy kisi ólimine qatysty 8 kúdikti tutqyndaldy. Bul týraly QR IIM Ishki jáne syrtqy kommýnikatsiialar departamentiniń direktory Almas Sadýbaev málim etti, dep habarlaidy QazAqparat.
«Búgingi kúni Qaraǵandyda buzaqylyq áreket jasap, 23 jastaǵy jigitti óltirdi degen kúdikpen 8 adam ustalyp tutqyndaldy jáne kúdiktilerdiń biri Gýrýrianǵa izdeý jariialandy. Tergeý aiasynda politsiia toby onyń bolýy múmkin jerine ketti. Kúdiktiniń berilýge daiyn ekendigi týraly málimdemesi jelige jariialanýyna bailanysty osydan 2 kún buryn onyń týystaryna qyzmetkerlerimizdiń bailanys derekteri berilgen bolatyn. Alaida osy kúnge deiin eshkim bailanysqa shyqqan joq», - dedi Almas Sadýbaev.
Departament basshysy elimizdiń Ishki ister ministrligi istiń obektivti ári jan-jaqty tergeletindigine kepil beretindigin atap ótedi. Sonymen qatar azamat Gýrýrianǵa óz erkimen politsiia qyzmetkerine berilýge keńes beredi. «Tergeý barysy Qazaqstan Respýblikasy Ishki ister ministrliginiń airyqsha baqylaýyna alynǵan», - dedi ol.
Eske salsaq, 1 qańtar kúni Qaraǵandydaǵy «Drevnii Rim» meiramhanasynda bolǵan janjal kezinde bir jigit kóz jumǵan bolatyn. Bilik atalǵan protsestiń obektivti jáne barynsha ashyq ótetinine ýáde berdi.
