Qaraǵandydaǵy mektepte sary aýrý juqtyrǵan oqýshylar sany artyp jatyr. Osyǵan deiin úsh bala osy diagnozben aýrýhanaǵa jatsa, bir apta ishinde sol mekteptiń taǵy úsh oqýshysy dárigerler qaraýyna tústi, dep habarlaidy KTK arnasy.
Esterińizge salsaq, Qaraǵandydaǵy №58 orta mektebinde úshinshi toqsan bastalasymen 7 synyp oqýshysy ózin jaisyz sezingen. Ile shala synyptasy aýyrsa, birer kúnnen soń 8 shi synyp oqýshysy densalyǵy syr bergen. Dárgerler tekserisinen kein úsheýinen de A gepatiti anyqtalyp, aýrýhanaǵa jatqyzyldy. Osydan soń mektep bir kúnge jabylyp dezinfektsiialaý júrgen. Alaida, sodan keiin de mektepten taǵy 3 oqýshy aýrýhanaǵa tústi. Osydan keiin ata analar mekteptiń tazalyǵyna kúmándandatyndaryn aitqan. Al mektep basshylyǵy men dárigerler kesel bilim oshaǵyna syrttan keldi dep otyr.
Natalia Zamilova, Qaraǵandy oblystyq qoǵamdyq densaýlyqty saqtaý departamentiniń mamany:
- Bul aýrýdy merekelik demalystardan keiin mektepke oqýshy juqtyryp kelýi múmkin. Óitkeni birinshi baladan aýrý anyqtalǵan soń aq, mektepke zalalsyzdandyrý jumystary júrdi. Al birinen birine juqqan aýrý aǵzada saqtalyp tura beredi. Qazir barlyq bala baqylaýda tur.
