Qaraǵandydaǵy kisi ólimine kúdikti Armeniia azamaty N. Gýrýrian Resei aýmaǵynda ustaldy. Bul týraly QR IIM Ishki jəne syrtqy kommýnikatsiialar departamentiniń direktory Almas Sadýbaev aitty, dep habarlaidy "Ult aqparat".
«Búgin QR IIM kriminaldyq politsiia qyzmetkerleri Resei quqyq qorǵaý organdarymen birlesip, RF-nyń Omby oblysynyń aýmaǵynda osy jyldyń 1 qańtaryna qaraǵan túni Qaraǵandyda buzaqylyq əreket jasap, kisi ólimine qatysy bar degen kúdikpen Armeniia Respýblikasynyń azamaty Narek Gýrýriandy ustady. Qazirgi ýaqytta zańnamaǵa səikes ony Qazaqstan aýmaǵyna jetkizý məselesi sheshilip jatyr», - dedi ol.
Eske salsaq, 1 qańtar kúni Qaraǵandydaǵy «Drevnii Rim» meiramhanasynda bolǵan janjal kezinde bir jigit kóz jumǵan bolatyn. Kisi ólimine qatysty 8 kúdikti tutqyndaldy. Sodan keiin QR Ishki ister ministrligi Qaraǵandydaǵy kisi ólimine kúdikti Gýrýrianǵa óz erkimen berilýge keńes berdi.
Sondai-aq, QR Ishki ister ministrligi Qaraǵandydaǵy tóbelestiń sebebin aitty.
