Buryn Qaraǵandy farmatsevtikalyq klasterine berilgen "Fitohimiia" ǵylymi-óndiristik kesheni memleket menshigine qaitarylady. Bul týraly bilim jáne ǵylym ministri Ashat Aimaǵambetov málimdedi, dep habarlaidy "Ult aqparat".
"Institýttyń mańyzy men áleýeti zor. Ishki aýdit qyzmetiniń tekserý jumysy kelisimniń memleketke tiimsiz ekenin kórsetti, múliktik keshendi baǵalaýǵa, onyń quny men bólip tóleýge qatysty suraqtar týyndady. Sol sebepti memleket menshigine qaitarý bastamasy kóterildi. Tiisti qujatqa qol qoiylyp, rásimder júrgizilip jatyr.
Sonymen qatar Qaraǵandy qalasynyń saiabaq aimaǵyndaǵy jerlerdi qalanyń ortalyq saiabaǵynyń bir bóligi retinde memleket menshigine qaitarý máselesi qarastyrylatyn bolady" - dep jazdy ministr óziniń Telegram kanalynda.
Aita keteiik, "Fitohimiia" ǵylymi-óndiristik kesheni 1995 jyly Tuńǵysh Prezident Nursultan Nazarbaevtyń jeke qoldaýymen ashylǵan. 2005 jyly sol kezdegi Memleket basshysynyń tapsyrmasymen "Fitohimiia" ǵylymi-óndiristik ortalyǵy" AQ bolyp, al keiinnen (2009 jyly) "Fitohimiia" halyqaralyq ǵylymi-óndiristik holdingi" AQ bolyp qaita qurylǵan.
