Qaraǵandydaǵy jekemenshik balabaqshalardyń birinde eki jasar balanyń aiaǵy kúiip qaldy, - dep habarlaidy Tengrinews.kz portaly ekaraganda.kz saityna silteme jasap.
Buǵan deiin Jelide balabaqshada termiialyq kúiik alǵan bala týraly aqparat taraǵan edi. Foto men videodan balanyń kúigen kishkentai aiaǵyn kórýge bolady.
"Qyzmetkerler bizdiń ulymyzdy jýyndyrmaq bolǵysy kelgenin, biraq qaraýsyz qaldyrǵanyn aitady. Nátijesinde balam 2-3 dárejeli aiaqtyń termiialyq kúiigin alǵan. Ulym áli de ońaltý satysynda. Biz barlyq kinálilerdi jazalaý úshin ádilettilikke qol jetkizýge tyrysamyz", - dep áleýmettik jelilerde qala turǵyndarynyń biri jazba jariialady.
Qaraǵandy oblysy boiynsha PD jaǵdaiǵa pikir bildirdi.
"Mektepke deiingi mekemede eki jasar balanyń kúiip qalý deregi boiynsha Qazaqstan Respýblikasy Qylmystyq kodeksiniń 306-baby, 1-bóligi boiynsha qylmystyq is qozǵaldy. Qazirgi ýaqytta tergeý amaldary júrgizilip jatyr", - dedi PD ókili.
Qaraǵandy oblysynyń bilim basqarmasy bul balabaqshanyń bólim balansynda emes ekenin aitty.
