Jańa jyl túni Qaraǵandydaǵy meiramhanalardyń birinde tóbeles bolyp, pyshaq jaraqatynan 23 jastaǵy er adam kóz jumǵan.
Qaraǵandy oblysy prokýratýrasy baspasóz qyzmetiniń habarlaýynsha, 1 qańtarǵa qaraǵan túni Qaraǵandy qalasyndaǵy «Drevnii Rim» meiramhanasynda janjal paida bolyp, sońy jappai tóbeleske ulasyp ketken. Oqiǵa barysynda bir adam qaza bolyp, taǵy úsheýi túrli deńgeide jaraqat alǵan.
Tártip saqtaý organdarymen Qylmystyq kodekstiń 99 baby (adam óltirý) jáne 293 baby (buzaqylyq) boiynsha qylmystyq is qozǵaldy.
Qazirgi sátte tergeý jumystarynyń nátijesinde qaqtyǵysqa qatysqandardyń qatarynan 3 adam ustalyp, 1 qatysýshyǵa izdeý jariialandy.
«Buǵan qosa, messendjerler men áleýmettik jeliler arqyly belsendi túrde atalmysh janjal týraly kúmándi aqparat taratylýda, dálirek aitar bolsaq, eki adam qaitys bolyp, janjal ultaralyq alaýyzdyq negizinde paida boldy dep málimdelýde. Qaqtyǵys eki top arasynda paida bolǵany jáne ol ultaralyq alaýyzdyq sipatynda bolmaǵany týraly derekterge nazar aýdaramyz, sebebi eki topta da qazaq jáne basqa ult ókilderi bolǵan. Azamattardy úgitteýler men úndeýlerge berilmei, tergeý organdary taratatyn anyq aqparatty qadaǵalaýlaryn ótinemiz. Zańnamany buzýdyń aldyn alý maqsatynda qasaqana ulttyq alaýyzdyq pen qastastyqty órshitýge baǵyttalǵan áreketter Qylmystyq kodekstiń 174 babymen qarastyrylǵan qylmystyq jaýapkershilikke tartylatyny týraly aqparattandyramyz» deidi baspasóz ókilderi.
Osyǵan bailanysty oblys prokýratýrasy azamattar men buqaralyq aqparat quraldarynyń ókilderin tek qana qylmystyq qýdalaý organdarynyń resmi málimetterine júginýge shaqyrady.
Quqyq qorǵaý organdary tergeý jumystarynyń tolyqtai ashyqtyǵyn qamtamasyz etedi, tergeý barysy týraly barlyq aqparat BAQ-da jáne áleýmettik jelilerde jariialanatyn bolady.
Tergeý barysy oblys prokýrorynyń erekshe baqylaýyna alyndy.
