Foto: inbusiness.kz
Qaraǵandyda birneshe kóshede jylý berý azaityldy. Qala shetindegi jylý jelisine KAMAZ júk kóligi soqtyǵysyp, qubyrlar zaqymdanǵan, dep habarlaidy QazAqparat.
Apat tańǵy saǵat 5.30-da Qaraǵandy qalasynda Gogol kóshesi men Spassk tasjolynyń qiylysynda bolǵan.
Belgili bolǵandai, kýzovy kóterilgen KAMAZ kompensatormen soqtyǵysqan.
Saldarynan qalanyń birneshe kóshesinde jylý berý azaityldy.
«Teplotranzit» JShS brigadasy shuǵyl túrde 1000 mm diametrli qubyrjolynan aqaý tapqan.
Bul aqaýdy joiý úshin qalada birneshe kósheniń úileri tómendetilgen jylý berý rejimine aýystyrylady.
«PIK jáne JS jeke sektorynyń tutynýshylary, sondai-aq jylýmen jabdyqtaýdyń nasharlaý aimaǵyna túsetin turǵyn úilerdiń jylý sharýashylyǵyna jaýapty adamdar jetkizýshi jylý jelileriniń, úiishilik jylý jelileriniń jai-kúiin qadaǵalap, dispetcherlik jóndeý qyzmetiniń ókilimen turaqty bailanysta bolýy qajet. Telefon: 56-51-05, olardyń usynym-nusqaýlaryn qatań oryndaý kerek»,- dep habarlady Qaraǵandy qalasy ákimdiginiń baspasóz qyzmeti.
