Qaraǵandy oblysynda jol apatynan bir otbasynyń músheleri qaza tapty. Bir bala aýrýhanaǵa jetkizildi, - dep habarlaidy Tengrinews.kz agenttigi Polisia.kz basylymyna silteme jasap.
Basylym málimetinshe, 26 tamyzda saǵat shamamen 23.30-da "Balqash-Priozersk" tasjolyndaǵy Gúlshat aýylyna 23 shaqyrym jerde 35-jastaǵy "Opel Vektra" júrgizýshisi jóndeý júrip jatqan jabyq jolda (eskertý jol belgileri bar) 25-jastaǵy azamattyń basqarýyndaǵy "Hovo" avtomashinasymen betpe-bet soqtyǵysqan.
"Opel Vektra " avtomashinasynyń júrgizýshisi, onyń 35-jastaǵy jubaiy, olardyń kámeletke tolmaǵan úsh balasy oqiǵa ornynda qaza boldy, bir bala meditsinalyq mekemege jetkizildi.
Atalǵan derek politsiiada tirkeldi jáne taǵaiyndalǵan qajetti saraptama qorytyndylary boiynsha protsessýaldyq sheshim qabyldanady.
