Qaraǵandyda 29 jastaǵy VAZ júrgizýshisi jaiaý júrginshiler ótkelinde eki balany qaǵyp ketti, - dep habarlaidy Tengrinews.kz tilshisi.
Oqiǵa Táttimbet kóshesinde oryn alǵan. Kýágerlerdiń aitýynsha, kólik qaqqan kezde kishkentai bala shanada bolǵan, al úlken qyz ony súirep kele jatqan. Zardap shekkender soqqydan birneshe metr alysqa ushyp ketken. Oqiǵa ornynan túsirilgen video Avaria_krg Telegram kanalynda jariialandy. Boljam boiynsha, zardap shekkender bir úidiń balalary.
"Oqiǵa saldarynan zardap shekken on bes jáne bes jastaǵy balalar meditsinalyq mekemege jetkizildi. Bul derek politsiiaǵa tirkelip, tiisti saraptamalar taǵaiyndaldy, onyń qorytyndysy boiynsha protsessýaldyq sheshim qabyldanady", - dep habarlady Qaraǵandy oblysy PD baspasóz qyzmeti.
