Foto: © Depositphotos.com / Surabky
Qaraǵandy oblysynda balalardyń ýlanýy sebebine infektsiialyq aýrýlardyń qatysy joq. Bul týraly Úkimet otyrysynda Densaýlyq saqtaý ministri Ajar Ǵiniiat málim etti, dep habarlaidy QazAqparat agenttigi.
«Qaraǵandy oblysynyń Arnaýly áleýmettik qyzmet kórsetý ortalyǵynan aýrýhanaǵa túsken 14 balanyń jeteýi saýyǵyp, aýrýhanadan shyǵaryldy. Qazirgi tańda olar sol ortalyqtaǵy dárigerlerdiń baqylaýynda. Alty bala reanimatsiia bólimshesinde jatyr, tórt balanyń jaǵdaiy oń dinamikamen aýyr jaǵdaida qalyp otyr. Eki balanyń jaǵdaiy óte aýyr kúide. Jaǵdaidyń aýyrlyǵy nevrologiialyq jáne intoksikatsiialyq sindromyna, tynys alý jetkiliksizdigine bailanysty bolyp otyr», - dedi Ǵiniiat.
Onyń aitýynsha, osy oqiǵa boiynsha kún saiyn respýblikalyq jáne oblystyq deńgeidegi mamandardyń keńeitilgen konsiliýmdary uiymdastyrylyp jatyr.
«Ministrlik zardap shekken balalardyń jaǵdaiyna monitoring júrgizýdi jáne meditsinalyq kómek kórsetýdi jalǵastyryp jatyr. Densaýlyq saqtaý ministrliginiń Sanitariialyq-epidemiologiialyq baqylaý komiteti epidemiiaǵa qarsy jáne tekserý is-sharalaryn jalǵastyryp otyr. Aldyn ala epidemilogiialyq tekserý, zerthanalyq zertteý nátijeleri aýrýdyń taralý sipaty tamaqtan ýlanýdan bolmaǵanyn, sondai-aq infektsiialyq aýrýlardyń joqtyǵyn kórsetti. Bul jaǵdaidyń bolýy sebebine toqtalsaq, dáriger mamandar toksikalyq zattan qatty ýlaný dep paiymdaidy. Qazir sot-meditsinalyq saraptama júrip jatyr. Balalardyń jaǵdaiy ministrliktiń erekshe baqylaýynda», - dedi ministr.
Esterińizge sala keteiik, 30 shildede Qaraǵandy oblysynyń balalarǵa arnaýly áleýmettik qyzmet kórsetý ortalyǵynda birneshe bala ýlanyp, onyń bireýi qaitys boldy, altaýy jansaqtaý bóliminde jatyr.
QR Densaýlyq saqtaý ministri Ajar Ǵiniiat habarlaǵandai, ishek infektsiiasyna júrgizilgen synaq teris nátije bergen.
