Qaraǵandyda memlekettik-jeke menshik áriptestik baǵdarlamasy boiynsha qosymsha virýsologiialyq zerthana ashyldy. Onda PTR ádisimen (polimerazdy tizbekti reaktsiia) COVID-19 bolýyna taldaý júrgiziledi, dep habarlaidy "Ult aqparat".
Jańa zerthana koronavirýstyq infektsiia aýrýyna aýqymdy testileý júrgizýge kómektesedi. Ázirshe, qaýip tobyndaǵy adamdar - meditsina qyzmetkerleri, virýstyq infektsiiasy bar júkti áielder, tynys alý organdarynyń sozylmaly aýrýlary bar dispanserlik esepte turǵan adamdar, meditsinalyq-áleýmettik mekemelerdiń qamqorlyǵyndaǵy adamdar, kazarmalyq rejimde turǵan áskeri qyzmetshiler analizderdi tapsyra alady.
Qaraǵandy meditsina ýniversiteti COVID-19 damý mehanizmderine jáne osy aýrýǵa immýnitetti qalyptastyrýǵa arnalǵan ǵylymi zertteýlerde biregei molekýlalyq-genetikalyq zerthanany iske qosýdy josparlap otyr.
Óńirde pýlmonologiialyq ortalyqtar jumys isteidi. Bulardyń jumysynyń arqasynda 14 koronavirýsty infektsiiamen aýyratyndar anyqtaldy. Al olardyń barlyǵy sanitarlyq-epidemiologiialyq normalardy saqtai otyryp infektsiialyq statsionarlarǵa aýystyryldy.
Qaraǵandy oblysyna virýspen kúres júrgizýdegi tájiribesimen bólisý úshin Qytaidan dárigerler komandasy keldi. Top quramynda infektsionister, pýlmonologtar, nefrologtar, qarqyndy terapiia dárigerleri jáne bas medbike bar.
Qytai mamandary Qaraǵandy meditsina ýniversitetinde konferentsiia ótkizdi. Sondai-aq sheteldik mamandar dárister oqidy jáne sheberlik sabaqtar ótkizedi, tájiribelerimen bólisedi.
«Qazaqstannyń densaýlyq saqtaý júiesi jaqsy deńgeide, dárigerlerdiń kásibi deńgeii joǵary, zamanaýi jabdyqtarmen jaraqtandyrylýy táýir. Qazir juqpaly aýrýmen kúreste eń bastysy - aldyn alý, bul jaǵdaida Qazaqstannyń barlyq halqy TJ jáne karantin rejiminiń sharttaryna qulaq asý kerek», - dedi Qytai delegatsiiasynyń múshesi dáriger Lý Chen.
Delegatsiia Qaraǵandyda 18 sáýirge deiin bolady. Qytai dárigerleri qashyqtan keńes berýge qatysady jáne koronavirýstyq infektsiiamen kúresý úshin meditsinalyq mekemelerdiń jumysyn tiimdi uiymdastyrý boiynsha keńester beredi.
